Fole kjekt å vere sosial og digital i Moa bibliotek

Fole kjekt å vere sosial og digital - ein møteplass for seniorar. Ønskjer du å bli betre på å bruke mobiltelefon eller nettbrett? Treng du nokon du kan spørre om hjelp til å bruke internett, logge inn i nettbanken eller svare på e-post? Ålesund kommune arrangerer møteplassar for seniorar der ein over ein kopp kaffi og ein god prat kan lære meir om dei digitale verktøya ein bruker i kvardagen. Det blir ei innleiing om månadens tema, og etterpå kan du spørre om kva som helst av digitale utfordringar. Tema i september: Kva skjer? Aktivitetskalender på nett. Tema i oktober: (NRK kjem på besøk for å presentere sine digitale tilbod.) NRK må diverre utsette besøket sitt, men vi møtast likevel! Tema i november: Kjeldekritikk - unngå å bli lurt på nettet. Tema i desember: Parkering med app.